განათლების საერთაშორისო გამოფენაზე John Cabot University-ის წარმომადგენელსაც შეხვდებით

​ამერიკულ-ქართული განათლების ცენტრის ორგანიზებით, ესპანური IE University-სა და ფრანგულ უნივერსიტეტ Audencia Business School-თან თანამშრომლობით 2022 წლის 2 აპრილს 12:00-დან 17:00 საათამდე სასტუმრო რედისონ ბლუ ივერიაში განათლების საერთაშორისო გამოფენა გაიმართება, რომელიც 13 ქვეყნიდან 15 უნივერსიტეტს უმასპინძლებს. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და მათთვის საინტერესო კითხვები დასვან. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

​განათლების გამოფენაში მონაწილეობის მისაღებად რეგისტრაციის გავლას შემდეგ ამ ბმულზე შეძლებთ: https://logos.edu.ge/leaf/

John Cabot University (JCU) რომში კერძო ამერიკული თავისუფალი მეცნიერებების უნივერსიტეტი გახლავთ. უნივერსიტეტი 1972 წელს დაარსდა და მას ეს სახელი იტალიელი მეცნიერის, ჯიოვანნი კაბოტოს პატივსაცემად ეწოდა, რომელმაც იტალიურ განათლების სისტემას ამერიკული იერსახე და მეტი მრავალფეროვნება შესძინა.
​
ჯონ კაბოტის უნივერსიტეტი სტუდენტებს საბაკალავრო და სამაგისტრო პროგრამებს სრულიად ინგლისურ ენაზე სთავაზობს. უნივერსიტეტი ყოველწლიურად 700-მდე საერთაშორისო სტუდენტს მასპინძლობს. იგი სტუდენტებს იტალიაში უძლიერეს ინგლისურენოვან პროგრამებს სთავაზობს პოლიტიკის, ინგლისური ლიტერატურისა და ბიზნეს ადმინისტრირების მიმართულებით.

შემოთავაზებული საბაკალავრო პროგრამები მოიცავს შემდეგს:
● ხელოვნების ისტორია
● ფინანსები და ეკონომიკა
● ფსიქოლოგია
● საერთაშორისო ბიზნესი
● მარკეტინგი
● პოლიტიკის მეცნიერებები
● კომუნიკაცია და საზოგადოებასთან ურთიერთობა
● საერთაშორისო ურთიერთობები

შემოთავაზებული სამაგისტრო პროგრამა:
● ხელოვნების ისტორია

სწავლის საფასური წლიურად 19 000 ევროდან 24 000 ევრომდე მერყეობს. საერთაშორისო სტუდენტებს ჯონ კაბოტის უნივერსიტეტი დაფინანსების საშუალებებსაც სთავაზობს.
დაინტერესების შემთხვევაში გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ მას განათლების საერთაშორისო გამოფენაზე სასტუმრო რედისონ ბლუ ივერიაში 2 აპრილს შუა დღის 12 საათიდან საღამოს 5 საათამდე. რეგისტრაციის გასავლელად ეწვიეთ ბმულს: https://logos.edu.ge/leaf/