University of Padua საერთაშორისო განათლების გამოფენაზე

​განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით, 2022 წლის 8 ოქტომბერს 12-დან 17 საათამდე სასტუმრო რედისონ ბლუ ივერიაში განათლების საერთაშორისო გამოფენა გაიმართება, რომელიც 18 ქვეყნიდან 20 უნივერსიტეტს უმასპინძლებს. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე, ასევე, იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

​განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: https://logos.edu.ge/leaf/

პადოვა არის ქალაქი ჩრდილოეთ იტალიაში, ვენეციასთან ახლოს. პადოვას უნივერსიტეტი 1222 წელს დაფუძნდა და თითქმის 800 წლიანი ისტორიით ერთ-ერთი უძველესია ევროპაში.

პადოვას უნივერსიტეტში შეგიძლიათ ისწავლოთ ბაკალავრიატზე, მაგისტრატურასა და დოქტორანტურაზე, როგორც იტალიურ ასევე ინგლისურ ენებზე. ინგლისურენოვანი საბაკალავრო პროგრამები არის მხოლოდ 2 მიმართულებით: ფსიქოლოგიასა და ცხოველთა მოვლა/ვეტერინარიაში.
​
მაგისტრატურის შემთხვევაში ინგლისურ ენაზე მოწოდებული პროგრამების რაოდენობა ბევრად მეტია და 22-ს აღწევს. ისინი გადანაწილებულია 7 საუნივერსიტეტო სკოლაში. ესენია: სოფლის მეურნეობისა და ვეტერინარიის სკოლა, ეკონომიკისა და პოლიტიკური მეცნიერებების სკოლა, ინჟინერიის სკოლა, სოციალურ მეცნიერებათა და კულტურული მემკვიდრეობის სკოლა, სამედიცინო სკოლა, ფსიქოლოგიის სკოლა და მეცნიერებათა სკოლა.

​სამაგისტრო პროგრამებს შორის შეხვდებით ისეთ სპეციალიზაციებს, როგორიცაა იტალიური საკვები და ღვინო, მდგრადი სოფლის მეურნეობა, ადამიანის უფლებები და სახელმწიფო მმართველობა, ეკონომიკა და ფინანსები, სამედიცინო და ფარმაცევტული ბიოტექნოლოგიები, მოლეკულური ბიოლოგია, ფიზიკა და ბევრი სხვა.

პადოვაში სწავლის ღირებულება 2600-3000 ევროს ფარგლებში მერყეობს. აღნიშნულმა თანხამ შეიძლება დაიკლოს სტუდენტის აკადემიური მოსწრებისა და შემოსავლების მიხედვით.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში 8 ოქტომბერს შუა დღის 12 საათიდან საღამოს 5 საათამდე. შემოგვიერთდით: https://logos.edu.ge/leaf/
​
LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.