ამერიკულ-ქართული განათლების ცენტრის ორგანიზებით და გერმანულ Jacobs University-თან, Toulouse Business School-ის ბარსელონის კამპუსსა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 28 უნივერსიტეტს 14 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები. მონაწილეები ასევე მიიღებენ შანსს მოიგონ College Counseling-ის სრული მომსახურება უფასოდ, 50%-იანი და 20%-იანი ფასდაკლებით. განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com ბარსელონის ავტონომიური უნივერსიტეტი (AUB) დაარსდა 1968 წელს და მდებარეობს ესპანეთში ქალაქ ბარსელონაში. უნივერსიტეტმა 4 დეპარტამენტით დაიწყო ოპერირება. ეს იყო ფილოსოფია და ხელოვნება, მედიცინა, მეცნიერება და ეკონომიკა. დღეს უნივერსიტეტს 107 საბაკალავრო, 141 საერთაშორისოდ აკრედიტირებული სამაგისტრო და 113 AUB-ს სერტიფიცირებული სამაგისტრო პროგრამა აქვს. AUB ასევე გთავაზობთ სემესტრულ კურსებსა და ენის შემსწავლელ პროგრამებს. უნივერსიტეტში ასევე შესაძლებელია დოქტორანტურაზე სწავლა. 2019-2020 აკადემიურ წელს AUB-ს 4790 PhD დოქტორანტი სტუდენტი ყავდა. ბარსელონის ავტონომიური უნივერსიტეტი (AUB) ევროპის საუკეთესო უნივერსიტეტების ასეულში შედის. ის ინარჩუნებს ძლიერ პოზიციებს სხვადასხვა საერთაშორისო საუნივერსიტეტო რეიტინგებში. მაგალითად QS World University Rankings-ის მიხედვით ის მსოფლიოში 213-ე, ხოლო ევროპაში 91-ე ადგილს იკავებს. THE. World University Rankings-ის მიხედვით AUB მსოფლიოში 182-ე, ხოლო ევროპაში 84- ე ადგილს იკავებს. უნივერსიტეტში სწავლა შესაძლებელია, როგორც ესპანურ ასევე ინგლისურ ენაზეც. საბაკალავრო პროგრამები: ბარსელონის ავტონომიური უნივერსიტეტი გთავაზობთ საბკალავრო პროგრამას ტურიზმში ესპანურ და ინგლისურ ენებზე, ესპანურენოვან პროგრამებს სასტუმროს მართვაში და ასევე უსაფრთხოების სისტემებსა და პრევენციაში (აღნიშნული პროგრამა სრულად არის ხელმისაწვდომი ონლაინ). ბაკალავირატზე სწავლის ხანგრძლივობა 4 წელია. ზემოთაღნიშნული პროგრამების საფასური წელიწადში 4 980 ევროა. საბაკალავრო პროგრამების საშუალო ღირებულება დაახლოებით 3 000 ევროა წელიწადში. ჩამოთვლილის გარდა უნივერსიტეტში შესაძლებელია სწავლა მრავალი მიმართულებით, როგორიცაა: ფსიქოლოგია, გეოლოგია, ფიზიკა, მათემატიკა, ბიოქიმია, გენეტიკა, ისტორია, არქეოლოგია, ფილოსოფია, პოლიტიკური მეცნიერებები, ბიზნეს ადმინისტრირება, განათლება, ეკონომიკა და ა.შ. საერთაშორისოდ აკრედიტირებული სამაგისტრო პროგრამები — პროგრამების ხანგრძლივობა 1 წელია. ქვემოთ ჩამოთვლილი პროგრამების საფასური საშუალოდ 7 000 ევროა წელიწადში.
UAB- ის სამაგისტრო პროგრამები და სასერთიფიკატო კურსები/ონლაინ კურსები
ორიგინალი სტატიის ბმული Comments are closed.
|
LEAF Blogგანათლების ცენტრის ბლოგი Archives
April 2023
|