რა არის SAT და როდის გვჭირდება იგი?

საზღვარგარეთ სწავლა თუ გსურთ, შესაძლოა მოგთხოვონ SAT ტესტის ჩაბარება. რა არის SAT და რა შემთხვევაში ბარდება გამოცდა, გაეცანით სტატიაში.

SAT არის სტანდარტული მისაღები გამოცდა ამერიკის უნივერსიტეტებში ჩასაბარებლად. ​

აღსანიშნავია, რომ ევროპული უნივერსიტეტები ფაქტიურად აღარ მოითხოვენ SAT ჩაბარებას, რამდენიმე სასწავლებლის გამოკლებით.
SAT არსებობს ორი სახის: General SAT და Subject Test.
 
General SAT მოიცავს:

• კრიტიკული აზროვნების ნაწილს (ტექსტის ანალიზი და ლექსიკა)
• მათემატიკას
• ესსეს წერას (2016 წლის განახლების შემდგომ აღარ არის სავალდებულო)

 
SAT ქულის მაქსიმალური რაოდენობა არის 1600, ძლიერ უნივერსიტეტში მოსახვედრად საჭირო არის 1300 და მეტი ქულის მიღება. 2016 წელს შეტანილი ცვლილებების შედეგად ქულები ნაწილდება შემდეგნაირად:

• უნარები + გრამატიკა - 800 ქულა
• მათემატიკა - 800 ქულა.

SAT ქულა არის დაფინანსების შესახებ გადაწყვეტილების მიღებისას ერთ-ერთი მნიშვნელოვანი ფაქტორი, თუმცა არა გადამწყვეტი. არსებობს შემთხვევები, როდესაც შედარებით დაბალი ქულის მიღების შემთხვევაში ძლიერ აპლიკაციასთან და რეკომენდაციებთან ერთად, სტუდენტს სწავლის სრული დაფინანსება მიუღია.
 
SAT – Subject Tests
​
SAT -ის საგნობრივი გამოცდა ბარდება ორ შემთხვევაში:
1 - უნივერსიტეტის მოთხოვნით - თუ თქვენ გსურთ ჩაბარება ტექნიკურ ფაკულტეტზე, მაგალითად ინჟინერიის სპეციალობაზე, უნივერსიტეტმა შესაძლოა მოგთხოვოთ საგნობრივი ტესტის ჩაბარება მათემატიკასა და ფიზიკაში. ასეთ შემთხვევაში, მოთხოვნილი გამოცდების ჩაბარების გარეშე უნივერსიტეტი არც კი განიხილავს თქვენს აპლიკაციას.
2 - საკუთარი ინიციატივით - თუ თქვენ განსაკუთრებით ძლიერი ხართ რომელიმე საგანში და გსურთ რომ ეს სიძლიერე უნივერსიტეტს დაანახოთ, შეგიძლიათ ამ საგანში ჩააბაროთ SAT-ის საგნობრივი ტექსტი და სხვა მოთხოვნილ დოკუმენტებთან ერთად გაუგზავნოთ უნივერსიტეტს. ასეთ შემთხვევაში მსგავსი გამოცდის ტესტი შესაძლოა დაგეხმაროთ უნივერსიტეტში ჩაბარებაში. საგნობრივი ტესტების შემთხვევაში კარგ ქულად ითვლება 600 და მეტი, თუმცა 500 ქულის მიღების შემთხვევაშიც შესაძლებელია ტესტის პასუხის გაგზავნა.
 
​