რატომ უნდა ვიკითხოთ წიგნები ინგლისურ ენაზე?

რატომ უნდა ვიკითხოთ წიგნები ინგლისურად? 

ინგლისური ენის კურსები ინგლისური ენის გასაუმჯობესებლად ყველაზე სწორი გამოსავალია, თუმცა დამატებითი ხერხები მხოლოდ სასიკეთოდ წაგადგებათ.
მაგალითად, ინგლისურ ენაზე წიგნების კითხვა. 

ის, რომ კითხვა ხსნის გონებას და გვეხმარება სამყაროს ახალი ფერებით აღქმაში, უდავო ჭეშმარიტებაა. ინგლისურ ენაზე კითხვა კი გვიუმჯობესებს ლექსიკურ მარაგს და ენის ზოგად ცოდნას. ​

გეთანხმებით, ეს საკმაოდ ნელი და რთული პროცესია, თუმცა საოცრად შედეგიანი. 

​ინგლისური წიგნების კითხვა დაგეხმარებათ შეისწავლოთ ინგლისური ენა საფუძვლიანად, გაზარდოთ სიტყვების მარაგი და ისაუბროთ გამართულად.

📖 ინგლისური წიგნების კითხვის უპირატესობები:
ნებისმიერი ნოველის ორიგინალში წაკითხვა და მისი გაგება არის საოცრად დიდი სიამოვნება. თქვენ იგრძნობთ საოცარ სიამაყეს, როდესაც ჩაიკითხავთ ბოლო ფურცელს, დახურავთ წიგნს და გაიაზრებთ თქვენს ახალ გამოცდილებას. შემდეგ აღმოაჩენთ, რომ ბოლო ფურცელზე ბევრად უფრო სწრაფად კითხულობდით ნოველას, ვიდრე პირველზე. ესე იგი თქვენ უკვე ერთი საფეხურით მაღლა ხართ და უკეთ ფლობთ ინგლისურ ენას .

📖 ენის შესასწავლად ინგლისური ნოველების კითხვა გაგიუმჯობესებთ სიტყვათა მარაგს, ენის ზოგად აღქმას. ინგლისურ ენაზე ფილმის ყურების, ან რადიოს მოსმენისგან განსხვავებით, წიგნის კითხვის პროცესი შეგიძლიათ მოირგოთ თქვენს ტემპს. წაიკითხოთ ნელა, ან სწრაფად, თუ ვერ გაიგეთ წინადადება - გადაიკითხოთ თავიდან, ჩაიხედოთ ლექსიკონში და გაერკვეთ. გარდა ამისა, კითხვა ხელს უწყობს თქვენს განსწავლულობას. განიჭებთ ახალ გამოცდილებასა და პერსპექტივებს. იღებთ ახალ ინფორმაციას ენაზე, კულტურაზე, საზოგადოებაზე და ისტორიაზე, რაც მანამდე არ იცოდით.

📖 ინგლისური ენის შესწავლა სტრესის გარეშე
დამეთანხმეთ, რომ სავარჯიშოების შესრულება და ახალი სიტყვების დაზუთხვა სტრესს იწვევს. წიგნის კითხვა კი სასიამოვნო პროცესი და განტვირთვის შესანიშნავი ფორმაა. ამავდროულად გეძლევათ საშუალება შეისწავლო ინგლისური ენა ზედმეტი ღელვის გარეშე.

თუმცა განსაკუთრებით მნიშნელოვანია, რომ პირველი წიგნი, რომლის წაკითხვასაც ინგლისურ ენაზე გადაწყვეტთ, სწორად შეარჩიოთ. წიგნი უნდა შეესაბამებოდეს თქვენი ინგლისური ენის ცოდნის დონეს და პირველმა ინგლისურმა წიგნმა ძალიან პოზიტიური ემოცია უნდა დაგიტოვოთ.
​
მაშინ მიჰყევით გამოწვევას, დაიწყეთ წიგნების კითხვა ინგლისურად, ხოლო იმ ნოველების ჩამონათვალს, რითაც შეგიძლიათ კითხვა დაიწყოთ, ჩვენ მოგაწვდით.