5 მიზეზი, რატომაც გერმანიაში უნდა ისწავლო

​სტუდენტების უმრავლესობას ერთხელ მაინც უფიქრია, ხომ არ გაეგრძელებინა სწავლა საზღვარგარეთ? როცა ამ გადაწყვეტილებას მიიღებთ პირველი, რაც უნდა აირჩიოთ ქვეყანაა. გახსნილი საზღვრები და შენგენის ზონაში თავისუფალი მიმოსვლა საკმაოდ ბევრ შესაძლებლობას გთავაზობთ. ამ სტატიით ვეცდებით, რომ თქვენი არჩევანი გერმანიაზე შევაჩეროთ

​სტუდენტების უმრავლესობას ერთხელ მაინც უფიქრია, ხომ არ გაეგრძელებინა სწავლა საზღვარგარეთ? როცა ამ გადაწყვეტილებას მიიღებთ პირველი, რაც უნდა აირჩიოთ ქვეყანაა. გახსნილი საზღვრები და შენგენის ზონაში თავისუფალი მიმოსვლა საკმაოდ ბევრ შესაძლებლობას გთავაზობთ. ამ სტატიით ვეცდებით, რომ თქვენი არჩევანი გერმანიაზე შევაჩეროთ.

სანამ სხვა დეტალებზე გადავალთ გეტყვით, რომ მსოფლიოს სტუდენტებისთვის სწავლის გასაგრძელებლად გერმანია ერთ-ერთი ყველაზე პოპულარული ადგილია და 2018 წლის მონაცემებით ევროპაში პირველ ადგილს იკავებს.

1. გერმანიაში შეგიძლიათ უფასოდ ისწავლოთგერმანია იმ ქვეყნებს შორისაა, სადაც შეგიძლიათ ისე მიიღოთ უმაღლესი განათლება, რომ ამაში ფული არ გადაიხადოთ. დამეთანხმებით, რომ მომავალი სტუდენტებისთვის თანხა უმნიშვნელოვანესი ფაქტორია და საზღვარგარეთ სწავლა იაფი სულაც არ არის. ამიტომ ეს პირველი და მთავარი უპირატესობაა, რატომაც გერმანიაში სწავლის გაგრძელება ნამდვილად კარგი იდეაა.
2014 წლის ოქტომბერში მიღებული გადაწყვეტილებით, ყველა საერთაშორისო სტუდენტი, რომელიც სწავლას გერმანიის სახელმწიფო უნივერსიტეტში გააგრძელებს, თავისუფლდება ჩვეულებრივი სწავლის საფასურის გადახდისგან. უცხოელ სტუდენტებს მხოლოდ ადმინისტრაციული ხარჯების გადახდა მოუწევთ, როგორიცაა სტუდენტური შენატანი, სტუდენტური გაერთიანების საფასური და საზოგადოებრივი ტრანსპორტის ბილეთი, რაც მთლიანობაში სემესტრში საშუალოდ 250 ევროს შეადგენს.

2. გერმანიის სასწავლო პროგრამები მსოფლიოშია აღიარებულიმომავალი სტუდენტებისთვის განსაკუთრებით დიდი მნიშვნელობა აქვს იმას, თუ რამდენად კარგად გამოიყენებს ის უნივერსიტეტში მიღებულ ცოდნას. გერმანიაში თანამედროვე სასწავლო სისტემაა და აქ მიღებული განათლება ნებისმიერ ქვეყანაში შეგიძლიათ გამოიყენოთ. სასწავლო გეგმა მუდმივად იხვეწება და იცვლება, გერმანიაში ზრუნავენ, რომ თეორიული ცოდნა სტუდენტებს რაც შეიძლება სწორად მიაწოდონ და პრაქტიკულ, კვლევით ნაწილშიც მისცენ გამოცდილება. შესაბამისად, გერმანიაში სწავლის დასრულების შემდეგ თქვენს დიპლომს საერთაშორისო ძალა ექნება, რადგან მას ყველგან აღიარებენ და თამამად შეგეძლებათ, რომ ნებისმიერ პასუხისმგებლობას შეეჭიდოთ.

3. ცხოვრების ხელმისაწვდომი ფასებითანხის მენეჯმენტი კიდევ ერთი ახალ გამოწვევა იქნება, რომელთან გამკლავებაც მოგიწევთ, თუ სასწავლებლად საზღვარგარეთ წახვალთ. ევროპის სხვა ქვეყნებთან შედარებით გერმანიის ქალაქები საცხოვრებლად უფრო იაფია. რა თქმა უნდა, პრესტიჟულ უბნებში მაღალ ფასებს უნდა ელოდოთ, თუმცა თუ მოინდომებთ ხელმისაწვდომ ვერსიას ნამდვილად იპოვით.
ქირაში ნაკლების დასახარჯად საუკეთესო გადაწყვეტილება მეწყვილის მოძებნაა, ასეთ შემთხვევაში თქვენი ხარჯები თანაბრად გაიყოფა და სახლის საქმეებისთვისაც ნაკლები დროის დახარჯვა მოგიწევთ. კვება, გართობა და თავის მოვლა მისაღებ ფასადაა შესაძლებელი. თუ თქვენს შემოსავალს სწორად გაანაწილებთ კაფეში მეგობრებთან ერთად გასვლას თავისუფლად მოახერხებთ. დამატებითი შემოსავლის მოძიებაში კი შემდეგ ქვეთავში მოგიყვებით.

4. სტუდენტებს შეუძლიათ სწავლის პარალელურად იმუშაონმალევე დარწმუნებით, რომ სწავლის გასაგრძელებლად გერმანია შესანიშნავი არჩევანია თუმცა, ცოტა დამატებით შემოსავალზეც ვისაუბროთ, რაც, ნამდვილად არ გაწყენთ. გერმანიაში საერთაშორისო სტუდენტებს შეუძლიათ ნახევარ განაკვეთზე კვირაში 20 საათი იმუშაონ. დასაქმება თქვენსავე უნივერსიტეტშიც შეიძლება მოახერხოთ, როგორც აკადემიურმა ასისტენტმა და სამუშაოდ წასვლა შორს აღარ მოგიწევთ. ასე დამატებითი შემოსავალიც გექნებათ და თან გამოცდილებასაც მიიღებთ.
როგორც სტუდენტს თქვენ შეგიძლიათ იმუშაოთ:

• ნახევარ განაკვეთზე;
• ზაფხულო ან ზამთრის არდადეგების დროს;
• გაიაროთ სტაჟირება;
• ჩაერთოთ მოხალისეობის პროგრამაში.

ასე თქვენ არა მხოლოდ სახარჯო ფული გექნებათ, არამედ გადასახადების გადახდასაც შეძლებთ და კარგი CV-ს შედგენასაც.

5. შეგიძლიათ მარტივად იმოგზაუროთსწავლის და სამუშაო გამოცდილების გარდა არ დაგავიწყდეთ, რომ თუ გერმანიაში წახვალთ ევროპის შუაგულში მოგიწევთ ცხოვრება. გერმანია საკმაოდ დიდი, საინტერესო და მრავალფეროვანი ქვეყანაა, დასვენების დღეებში შეგიძლიათ სხვადასხვა ქალაქს თუ მხარეს ეწვიოთ, გასინჯოთ შესანიშნავი ლუდი, გაერთოთ ყველაზე ცნობილ კლუბებში და ხელოვნების გამორჩეული ნიმუშებით დატკბეთ. ხოლო დედაქალაქის მოსანახულებლად გირჩევთ, მინიმუმ ერთი შაბათ-კვირა მაინც გამოყოთ.

როცა გერმანიის კულტურისა და ისტორიის გაცნობას მორჩებით გაიხსენეთ, რომ თქვენი სტუდენტური ვიზით თავისუფლად შეძლებთ ევროპის ულამაზესი ქვეყნებიც დაათვალიეროთ. ბელგია, ჰოლანდია, შვეიცარია, საფრანგეთი, იტალია... თქვენს წინ საკმაოდ მრავალფეროვანი არჩევანია, ასე რომ, ფული არდადეგებისთვისაც შეინახეთ.
​
მგონი საკმარისი მიზეზი გაქვთ, რომ გერმანიაში სწავლის გაგრძელებაზე იფიქროთ. მსოფლიო უნივერსიტეტების რანგირების ცხრილში არაერთი გერმანული უნივერსიტეტი შეგხვდებათ, მათ შორის არჩევანის გაკეთება რომ არ გაგიჭირდეთ ამერიკულ-ქართული განათლების ცენტრი დაგეხმარებათ. LEAF-ის მომსახურება ითვალისწინებს:

• სასურველი პროგრამების მოძიებას;
• ევროპასა და ამერიკაში უნივერსიტეტის შერჩევას;
• დაფინანსების მოპოვებაში დახმარებას;
• სასურველ უნივერსიტეტებთან კონტაქტის დამყარებას;
• შესაბამისი განაცხადებისა და დოკუმენტაციის მომზადება-გადაგზავნას.

გერმანულენოვანი College Counseling-ის მომსახურება საბაკალავრო და ბაკალავრიატისთვის მოსამზადებელ პროგრამებსა და ენის კურსებზე ვრცელდება. ერთ უნივერსიტეტზე მომსახურების ღირებულება 250 ლარია და შერჩეული უნივერსიტეტების მაქსიმალური რაოდენობა ოთხი. დამატებით ინფორმაცია სხვა დეტალებზე შეგიძლიათ ნახოთ აქ.