8 ძირითადი რჩევა Advanced Placement კურსებში წარმატების მისაღწევად

Advance Placement არის პროგრამა, რომელიც საშუალო საფეხურის სკოლის მოსწავლეებს უნივერსიტეტის დონის გაკვეთილებს სთავაზობს შეერთებულ შტატებსა და კანადაში. ეს მოსწავლისთვის აკადემიური გამოწვევის ტოლფასია.

​თუ შენ გამოცდებს კარგად ჩააბარებ, შესაძლოა დამატებითი კრედიტები მიიღო და გარკვეული საგნები გამოტოვო უნივერსიტეტში სწავლისას. უნივერსიტეტის საბჭო ქმნის სასწავლო გეგმას თითოეული საგნისთვის. ამ გეგმით მოწმდება, რამდენად აკმაყოფილებს AP გარკვეულ სტანდარტებს. AP კურსები კარგი გზაა საკუთარი თავის გამოწვევისთვის და დაგეხმარება უნივერსიტეტში სწავლისას. თუმცა აქვე უნდა აღვნიშნოთ, რომ ეს კურსები მოითხოვს დიდ დროსა და ძალისხმევას.

ამ სტატიაში ჩვენ შემოგთავაზებთ რამდენიმე სასარგებლო რჩევას AP კურსებში წარმატების მისაღწევად, მათ შორის არის ადრე დაწყება, ორგანიზება, საჭიროების შემთხვევაში დახმარების ძიება, ვარჯიში საკუთარ თავზე და მოტივაციის შენარჩუნება. ამ რჩევების გათვალისწინებით, შეძლებ იყო ფოკუსირებული, ორიენტირებული საჭირო დეტალებზე, წარმატებით გაიარო AP კურსები და მიაღწიო შენს აკადემიურ მიზნებს.

1. ადრე დაწყება: მნიშვნელოვანია, რომ AP კურსებისთვის მოსამზადებლად
   რაც შეიძლება დიდი დრო გქონდეს. ეს ნიშნავს შესაბამისი საგნების
   საფუძვლიანად სწავლასა და ძლიერი დისციპლინის ჩამოყალიბებას.
   დარწმუნდი, რომ გესმის ძირითადი ცნებები, სანამ გადახვალ უფრო
   რთულ მასალაზე.
2. იყავი ორგანიზებული: AP კურსებში წარმატების მისაღწევად ორგანიზებულობა გადამწყვეტია. თვალყური ადევნე ვადებს, დავალებებსა და ტესტებს. გამოიყენე დღის დამგეგმავი პროგრამები ან კალენდარი სწავლის დროის დასაგეგმად.
3. ჩაინიშნე შენიშვნები: AP კურსებში არსებული მასალის გასაგებად და შედეგის შესანარჩუნებლად, ჩანიშვნების გაკეთება სწავლის დროს აუცილებელია.
4. როცა საჭიროა, ითხოვე დახმარება: ნუ შეგეშინდება დახმარების თხოვნა, თუ მასალის ათვისება გიჭირს. დაელაპარაკე შენს მასწავლებელს განმარტებისთვის, დამატებითი მასალებისთვის. კლასელებთან ერთად სასწავლო ჯგუფში გაწევრიანება ასევე შეიძლება იყოს მასალის განხილვისა და გაგების სასარგებლო გზა.
5. მეცადინეობა, მეცადინეობა და მეცადინეობა: ნებისმიერი უნარის მსგავსად, AP კურსებში მასალის დაუფლება მოითხოვს მეცადინეობას. იმუშავე პრაქტიკულ პრობლემებზე და გაიარე ონლაინ სიმულაციური ტესტები, რათა გაიგო, რა ტიპის კითხვებია, რომელთაც შესაძლოა, გამოცდაზე წააწყდე.
6. მართე შენი დრო გონივრულად: AP კურსები მოითხოვს დიდ დროს, ამიტომ მნიშვნელოვანია შენი დროის გონივრულად მართვა. მოერიდე გაჭიანურებას და დაისახე პრიორიტეტები შენი დავალებების შესრულებისას. დარწმუნდი, რომ სკოლის გარეთ ისეთ აქტივობებსაც უთმობ დროს, როგორიცაა ჰობი და მეგობრებთან ურთიერთობა.
7. შეინარჩუნე მოტივაცია: ნორმალურია დროდადრო თავს გადატვირთულად ან გადაღლილად გრძნობდე. იპოვე გზები, რომ დარჩე მოტივირებული, იქნება ეს მცირე მიზნების დასახვა, საკუთარი თავის დაჯილდოება ეტაპების გავლისას თუ მეგობრებისა და ოჯახის მხარდაჭერის მოპოვება.
8. იზრუნე საკუთარ თავზე: მნიშვნელოვანია, იზრუნო შენს ფიზიკურ და ფსიქიკურ ჯანმრთელობაზე AP კურსის მოთხოვნების დაძლევისთვის. დარწმუნდი, რომ საკმარისად გძინავს, იკვებები და გრჩება დრო დასვენებისა და განტვირთვისთვის.

AP კურსები შეიძლება იყოს რთული, მაგრამ ის შესანიშნავი შესაძლებლობაა მოემზადო უნივერსიტეტისთვის და პოტენციურად მიიღო კოლეჯის კრედიტები. თუ გაითვალისწინებ ამ რჩევებს, გაჰყვები მათ ორგანიზებულად, თუ იქნები შენს მიზანზე ორიენტირებული და მოტივირებული, შეძლებ წარმატებას მიაღწიო AP კურსებზე და აისრულო შენი აკადემიური ოცნებები.

ნებისმიერი ინგლისურენოვანი უნივერსიტეტის სააპლიკაციო პროცესში დასახმარებლად, ასევე SAT, IELTS, TOEFL კურსებისთვის მოსამზადებლად, შეგიძლია დაუკავშირდე განათლების ცენტრ LEAF-ს.
LEAF უკვე მე-14 წელია ეხმარება ქართველ აპლიკანტებს. ცენტრის ასობით სტუდენტს აქვს მოპოვებული სრული ან ნაწილობრივი დაფინანსება უცხოურ უნივერსიტეტებში, როგორიცაა Columbia University, Yale University, Harvard University, New York University, Oxford University, Hult University.
​
LEAF პარტნიორ უნივერსიტეტებთან სააპლიკაციო პროცესში დახმარებას უფასოდ გაგიწევს.
ვიზიტის ჩასანიშნად დაუკავშირდი ნომერზე:

• 032 294 61 74