American University in Bulgaria (AUBG) განათლების საერთაშორისო გამოფენაზე

​განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით 2022 წლის 8 ოქტომბერს, 12:00-დან 17:00 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

​განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: https://logos.edu.ge/leaf/

American University in Bulgaria (AUBG) გახლავთ კერძო უნივერსიტეტი ბულგარეთის ქალაქ ბლაგოევგრადში. უნივერსიტეტი 1991 წელს დაარსდა და დღესდღეისობით იქ წლიურად 1000 სტუდენტი სწავლობს 40-ზე მეტი ქვეყნიდან. სტუდენტთა 50% უცხოელია.

AUBG არის პირველი ამერიკული სტილის, ინგლისურენოვანი, ლიბერალ ართს (თავისუფალი მეცნიერებები) უნივერსიტეტი აღმოსავლეთ ევროპაში. უნივერსიტეტი ამერიკისა და ბულგარეთის სახელმწიფოების, ფონდ ღია საზოგადოებისა და მეინის უნივერსიტეტის (აშშ) თანამშრომლობის შედეგად დაარსდა.

ბაკალავრიატის დონეზე უნივერსიტეტში 13 ძირითადი (მეიჯორი) და 20 დამატებითი სპეციალობა (მაინორი) ისწავლება.

საბაკალავრო პროგრამის ძირითადი სპეციალობის ფაკულტეტებია:

• ბიზნესის ადმინისტრირება;
• კომპიუტერული მეცნიერებები;
• ეკონომიკა;
• ევროპული სწავლა;
• ისტორია და ცივილიზაცია;
• საინფორმაციო სისტემები;
• ჟურნალისტიკა და მასობრივი კომუნიკაციები;
• ლიტერატურა (ორმაგი მეიჯორი);
• მათემატიკა;
• პოლიტიკური მეცნიერებები და საერთაშორისო ურთიერთობები;
• ფიზიკა (ორმაგი მეიჯორი);
• ფსიქოლოგია (ორმაგი მეიჯორი);
• სტუდენტის მიერ შექმნილი მეიჯორი (ორმაგი მეიჯორი).

ორმაგი მეიჯორები არის აკრედიტირებული ამერიკაში და მათი დამთავრებისას გაიცემა მხოლოდ ამერიკული დიპლომი.

მაგისტრატურის დონეზე AUBG-ს აქვს Executive MBA პროგრამა, რომელიც აკრედიტირებულია აშშ-სა და ბულგარეთში და შექმნილია დასაქმებული პროფესიონალებისათვის შესაბამისი მოქნილი გრაფიკით. პროგრამა კონცენტრირებულია კონკრეტული ბიზნეს ქეისების განხილვასა და უახლესი მეთოდოლოგიების სწავლებაზე.

უნივერსიტეტში ბაკალავრიატზე სწავლის საფასური, უნივერსიტეტის საერთო საცხოვრებლის ხარჯების გარეშე წელიწადში $12 900-ია. სწავლის საფასური ერთი და იგივეა ნებისმიერი ქვეყნის სტუდენტებისათვის და ყველა მათგანს შეუძლია მოიპოვოს სწავლის თანადაფინანსება საგრანტო და სასტიპენდიო პროგრამების ფარგლებში.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში 8 ოქტომბერს შუა დღის 12 საათიდან საღამოს 5 საათამდე. შემოგვიერთდით: https://logos.edu.ge/leaf/
​
LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.