Audencia Business School — განათლების საერთაშორისო გამოფენის ვერცხლის სპონსორი

ამერიკულ-ქართული განათლების ცენტრის ორგანიზებითა და ესპანურ IE University-სა და ფრანგულ უნივერსიტეტ Audencia Business School-თან თანამშრომლობით 2022 წლის 2 აპრილს 12:00-დან 17:00 საათამდე სასტუმრო "რედისონ ბლუ ივერიაში" გაიმართება განათლების საერთაშორისო გამოფენა, რომელიც უმასპინძლებს 17 უნივერსიტეტს 13 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: http://logos.edu.ge/leaf/
აუდენციას ბიზნეს სკოლა საფრანგეთში, კერძოდ კი ქალაქ ნანტში მდებარეობს. უნივერსიტეტი გახლავთ ერთ — ერთი ყველაზე პრესტიჟული მთელს საფრანგეთში და მას გააჩნია როგორც ბიზნეს სკოლა ასევე ე.წ. "Grande Ecole" კომერციის მიმართულებით.

"გრანდ ეკოლის" პროგრამის დიპლომი გამორჩეულია მისი პრესტიჟულობითა და სიძლიერით. გრანდ ეკოლის პროგრამის სფეროებია: მარკეტინგი, ფინანსები, საბანკო სისტემა, ადამიანური რესურსები და საერთაშორისო ვაჭრობა. სტუდენტებს, რომლებსაც ზემოთ ნახსენები ფაკულტეტების სწავლის სურვილი აქვთ საფრანგეთში, შეუძლიათ განათლება დასავლეთ ევროპის ერთ — ერთ უძლიერეს ბიზნეს სკოლაში მიიღონ, სადაც საშუალება ექნებათ საბაკალავრო და სამაგისტრო ხარიხსი გაერთიანებულად, 5 წელიწადში მიიღონ.

Audencia Business School მსოფლიოს ბიზნეს სკოლების იმ 1%-ში შედის, რომელთაც სამმაგი აკრედიტაცია აქვთ მიღებული. LEAF რამდენიმე ასეთ ბიზნეს სკოლასთან თანამშრომლობს ევროპაში.
უნივერსიტეტში სწავლის მსურველებს აქვთ საშუალება განათლება მიიღონ ბიზნესის სხვადასხვა მიმართულებებში, როგორებიცაა:

● მენეჯმენტი
● საერთაშორისო ბიზნესი
● საბანკო სისტემა
● საერთაშორისო ვაჭრობა

მსურველებს ასევე შესაძლებლობა აქვთ გაიარონ სამაგისტრო და სადოქტორო პროგრამები საერთაშორისო ბიზნესსა და მენეჯმენტში.

უნივერსიტეტის საშუალო წლიური საფასური ბაკალავრიატის დონეზე 8150 ევროს შეადგენს. მაგისტრატურის შემთხვევაში პროგრამების მიხედვით ფასები განსხვავებულია. აღნიშნულ დონეზე სწავლის ფასი 15 000-დან 31 000 ევრომდე მერყეობს წელიწადში. მომავალ სტუდენტებს აქვთ დაფინანსების სხვადასხვა საშუალებით მიღების შესაძლებლობაც.
​
თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო “რედისონ ბლუ ივერიაში” 2 აპრილს შუა დღის 12 საათიდან საღამოს 5 საათამდე. შემოგვიერთდით: http://logos.edu.ge/leaf/