მარტივად საკითხავი 5 ინგლისური წიგნი

დაპირებისამებრ, გთავაზობთ საინტერესო და მარტივი წიგნების ხუთეულს, რომელიც შეგიძლიათ ინგლისურ ენაზე წაიკითხოთ

1. Charlotte’s Web – E.B. White
ეს არის წიგნი, რომელიც ერთნაირად საინტერესოა ნებისმიერი ასაკის ადამიანისთვის. წიგნი დაწერილია ინგლისურენოვანი ბავშვებისთვის და ბევრი სკოლის პროგრამაშიც შედის. თუმცა იგი დღემდე რჩება არაერთი ზრდასრული ადამიანის საყვარელ ნაწარმოებად.

---

მოკლე შინაარსი: წიგნი მოგვითხრობს გოჭის ისტორიას, რომელსაც დაკვლას უპირებენ მხოლოდ იმიტომ, რომ ყველაზე პატარა დაიბადა, მიიჩნევენ მას უსარგებლოდ და არასაჭიროდ. გოჭს შეიფარებს პატარა გოგონა - ფერნი, რომელიც იწყებს ზრუნვას მეგობარზე. ფერნმა გოჭს სახელად ვილბურნი დაარქვა. თუმცა მალე გოჭი იზრდება და ფერნის ბიძის ფერმაში გზავნიან საცხოვრებლად. ეს არის პატარა ისტორია დიდ მეგობრობაზე.
​
წიგნის შესახებ:https://goo.gl/kKTKmI
წიგნის ონლაინ ვერსია იხილეთ აქ: https://goo.gl/wPYbxJ
წიგნის შეძენა შეგიძლიათ: https://goo.gl/1spb84

2. Mieko and the Fifth Treasure – Eleanor Coerr
მართალია, ეს წიგნი წინამორბედის მსგავსად პოპულარული არ არის, მაგრამ საოცრად ლამაზად არის მოთხრობილი იაპონიისა და მისი საინტერესო კულტურის შესახებ. წიგნი არის პატარა, მოიცავს, იგი დაწერილია ინგლისურენოვანი ახალგაზრდებისთვის, მაგრამ მარტივი ენით.
​
მოკლე შინაარსი: წიგნში მოთხრობილია პატარა იაპონელი გოგონას, მეიკოს ემოციური ისტორია, რომელიც ნიჭიერი მხატვარია. გოგონას დაბომბვის შედეგად მძიმედ დაუზიანდა ხელი და საცხოვრებლად ბებია-ბაბუასთან გაგზავნეს. მეიკო ღელავს, რომ მან დაკარგა მთავარი საგანძური ცხოვრებაში - სილამაზე მის გულში. ეს განძი კი არის მისი ბედნიერების მთავარი გასაღები. მეიკო სიარულს იწყებს ახალ სკოლაში, სადაც ახალ მეგობრებთან შეჩვევა უჭირს. მის თანაკლასელებსაც არ ესმით მეიკოსი და ხშირად დასცინიან და აბუჩად იგდებენ.
​
წიგნის შესახებ: https://goo.gl/orX9tI
წიგნის ონლაინ ვერსია იხილეთ აქ: https://goo.gl/vn0g4P
წიგნის შეძენა შეგიძლიათ: https://goo.gl/de8PNW
​

​3. The Outsiders – S.E. Hinton
წიგნში საუბარია თემებზე, რომლებიც მსოფლიოს ნებისმიერ მხარეში ერთნაირად აქტუალურია თინეიჯერებისთვის. წიგნი დაწერილია მარტივად, მოკლე წინადადებებით, ასე რომ, მისი წაკითხვა არ უნდა გაგიჭირდეთ.
​
მოკლე შინაარსი: წიგნის მთავარი გმირის პენიბოის ცხოვრება მოზარდებისთვის აქტუალური პრობლემების გარშემო ტრიალებს, სიყვარული, მეტოქეები, მტრულად განწყობილი დაჯგუფებები, გაუგებრობა ოჯახში. საბოლოოდ ცხოვრება მას ციხემდე მიიყვანს, სადაც უკვე მოსამართლემ უნდა გადაწყვიტოს, დამნაშავეა იგი თუ არა.

წიგნის შესახებ: https://goo.gl/U1rTor
წიგნის ონლაინ ვერსია იხილეთ აქ:  https://goo.gl/xQ6e5o
წიგნის შეძენა შეგიძლიათ: https://goo.gl/VAx8et

4. The House On Mango Street – Sandra Cisneros
აღსანიშნავია, რომ ეს წიგნი არის საოცრად საინტერესო საკითხავი. წიგნი დაწერილია პირველ პირში და კითხვისას რეალურად გრძნობ, რას განიცდის მთავარი გმირი. წინადადებები არის მოკლე და მარტივად გასაგები. რამდენიმე რთული სიტყვა და მოკლე აღწერილობითი თხრობა არ ართულებს წიგნის აღქმას. ერთის მხრივ მარტივი გასაგებია კონტექსტიდან გამომდინარე, მეორეს მხრივ წარმოადგენს პატარა გამოწვევას, გაიგოთ ოდანვ რთული წინადადებები. ამ წიგნის კიდევ ერთ ღირებულებას წარმოადგენს ის, რომ საშუალებას გაძლევთ სიღრმისეულად შეისწავლოთ განსხვავებული კულტურა.

მოკლე შინაარსი: წიგნში მოხრობილია მექსიკელი გოგოს, ესპერანსას ცხოვრების ისტორია, რომელიც საცხოვრებლად ახალ სახლში გადადის მანგოს ქუჩაზე, ჩიკაგოს ლათინურ უბანში. ესპერანსა კი სხვანაირ ცხორებაზე ოცნებობს. ის პირობას აძლევს საკუთარ თავს, რომ ერთ მშვენიერ დღეს იცხოვრებს საკუთარ, ახალ სახლში. ესპერანსა იზრდება და მის ცხოვრებაში ახალი თავგადასავლები ჩნდება, თუმცა ოჯახის სიღარიბეზე დარდს ვერ გაურბის. ამ სევდისგან თავშესაფარს ის პოეზიაში პოულობს და ჩუმად წერს ლექსებს. ესპერანსა აკვირდება ქალების ყოფას თავის გარშემო, მათ შეგუებას ბედისადმი და ხვდება, რომ არ სურს იცხოვროს მათსავით, ამიტომ უნდა წავიდეს.

წიგნის შესახებ: https://goo.gl/thNpgf
წიგნის ონლაინ ვერსია იხილეთ აქ:  https://goo.gl/I1vpzb
წიგნის შეძენა შეგიძლიათ: https://goo.gl/THM4Ow

5. Thirteen Reasons Why – Jay Asher
ამ წიგნს იხილავთ NY times best books list-ში და არის არაერთი ჯილდოს მფლობელი. ნაწარმოები ემოციურად რთულად საკითხავია, ამიტომ თუ რაიმე მსუბუქი და მხიარული სიუჟეტის წაკითხვა გსურთ, ამ წიგნზე ნუ შეაჩერებთ არჩევანს. ემოციური დრამატული ჟანრის მოყვარულებს კი ვურჩევთ. წიგნში თხრობა მიდის აწმყოში, ამიტომ გამოყენებულია მარტივი გრამატიკა. წინადადებები მოკლეა და ლექსიკა მარტივი, პატარა პარაგრაფები კი ამარტივებს კითხვის პროცესს.
​
მოკლე შინაარსი: წიგნის მთავარი გმირი, სკოლიდან სახლში დაბრუნებისას, კართან აღმოაჩენს პაკეტს, სადაც 7 კასეტა დევს. კასეტები მას ყოფილმა კლასელმა - ჰანამ გამოუგზავნა, რომელმაც ემოციური პრობლემების გამო თავი მოიკლა. ამანათს თან ახლავს ინსტრუქცია, სადაც მითითებულია, რომ კასეტები უნდა გადაეცეს ერთი სტუდენტიდან მეორეს, მოცემული სიის მიხედვით. სიაში არის 12 ადამიანი, ის 12 ადამიანი, რომლებმაც უბიძგეს მას თვითმკვლელობისკენ და შეუქმნეს ამისთვის13 მიზეზი. ჰანა ასევე წერს, რომ იგივე კასეტები გაუგზავნა სხვა ადამიანს და აფრთხილებს ამხანაგებს, რომ თუ არ გადასცემენ ამ კასეტებს ერთმანეთს ინსტრუქციის მიხედვით, მთელი სკოლა შეიტყობს, თუ როგორ უბიძგეს გოგონას თვითმკვლელობისკენ. წიგნში კარგად არის წარმოჩენილი ჰანას ტკივილი. იგი იხსენებს თავის პირველ კოცნას, ადამიანებს, რომლებმაც მოატყუეს. ყველაფერი დაიწყო ჭორით, შემდეგ ჭორი აზვირთდა და გახდა უკონტროლო. წიგნი მიჰყვება თითოეული ადამიანის ისტორიას და იმ მიზეზს, რატომაც მიაყენეს ჰანას ტკივილი. დამნაშავე ადამიანთა შორის არის ინგლისური ენის მასწავლებელიც, რომელმაც სერიოზულად არ ჩათვალა გოგონას პრობლემები.

წიგნის შესახებ: https://goo.gl/AfQxoZ
წიგნის ონლაინ ვერსია იხილეთ აქ:  https://goo.gl/zM74DX
წიგნის შეძენა შეგიძლიათ: https://goo.gl/c7XiDZ