Fort Hays State University-ის განსაკუთრებული პროგრამა უფროსკლასელთათვის

​ამერიკულ-ქართული განათლების ცენტრი LEAF დამამთავრებელი კლასების გამორჩეულად ნიჭიერი მოსწავლეებისთვის გთავაზობთ უპრეცედენტო სასკოლო პროგრამას ამერიკულ უნივერსიტეტში.

​ცენტრი თანამშრომლობს ამერიკულ Fort Hays State University-სთან (FHSU), რომელიც სკოლის მოსწავლეებს მე-11 და მე-12 კლასებში მათთან განსაკუთრებული პროგრამის გავლას სთავაზობს. უნივერსიტეტმა მათემატიკისა და მეცნიერების აკადემია (Academy of Mathematics and Science - AMS) შექმნა. ის მოსწავლეებს საშუალებას აძლევს, მიაღწიონ მეტს და თავად განსაზღვრონ საკუთარი წარმატებული მომავალი. AMS ფორტ ჰეისში უკვე მეორე ადრეული საუნივერსიტეტო პროგრამაა, რომელიც განუმეორებელ აკადემიურ გამოცდილებას აძლევს დამამთავრებელი კლასების ნიჭიერ მოსწავლეებს მთელი მსოფლიოდან. პროგრამაზე მოსახვედრად მოსწავლეებმა დიდი კონკურენცია უნდა დაძლიონ.

პროგრამის მონაწილეები მე-11 და მე-12 კლასებში სწავლობენ და FHSU-ში ცხოვრობენ. პროგრამა მოიცავს:

• საუნივერსიტეტო დონის სწავლება უნივერსიტეტის პროფესორ-მასწავლებლების მიერ
• შესაძლებლობა, რომ მოიპოვოთ ზოგადი სამეცნიერო განათლების ასოცირებული ხარისხი (Associate of General Studies (A.G.S.) in Science)
• ამერიკული ე.წ. ჰაი-სქულის სასკოლო დიპლომი (მოსწავლე ამთავრებს ამერიკულ სკოლას) და 60 საათზე მეტი საუნივერსიტეტო კრედიტი
• კვლევის წარმოების გამოცდილება PhD დონის პროფესორ-მასწავლებლებთან
• ლიდერობის უნარ-ჩვევების გამომუშავება და სამოქალაქო ჩართულობის შესაძლებლობები
• აკადემიური და პიროვნული განვითარების ხელშეწყობა
• უსაფრთხო სასწავლო და საცხოვრებელი გარემო უნივერსიტეტის ტერიტორიაზე

პროგრამის განმავლობაში მიღებული საუნივერსიტეტო კრედიტების სასურველ უნივერსიტეტში გადატანის შემდეგ AMS-ის კურსდამთავრებულები შეძლებენ, რომ ბაკალავრის ხარისხი საშუალოდ 2-დან 2.5 წლამდე პერიოდში მიიღონ 4 წლის ნაცვლად. ეს მათ საშუალებას მისცემს, რომ უფრო მალე ჩაერთონ აკადემიურ თუ პროფესიულ საქმიანობაში.
​
პროგრამის ღირებულება სწავლის, საცხოვრებლის, კვებისა და ჯანმრთელობის დაზღვევის ჩათვლით არის დაახლოებით 29000 $ წელიწადში. გასათვალისწინებელია, თუ რა ოდენობის თანხას დაზოგავს სტუდენტი იმის ხარჯზე, რომ ბაკალავრიატის დამთავრებას მხოლოდ 2 ან 2.5 წელიწადს მოანდომებს.
სააპლიკაციო პროცესს ამერიკულ-ქართული განათლების ცენტრი LEAF გაუწევს ადმინისტრირებას College Counseling-ის მომსახურების ფარგლებში. ზუსტი ინფორმაციის მისაღებად გთხოვთ დაუკავშირდეთ LEAF-ს.

​FHSU-ს შესახებ:

ფორტ ჰეიზის სახელმწიფო უნივერსიტეტი, რომელიც 1902 წელს დაარსდა (Fort Hays State University) მდებარეობს კანზასის შტატში, ქალაქ ჰეიზში . უნივერსიტეტი სტუდენტებს სთავაზობს ასობით პროგრამასა და სასერტიფიკაციო კურსს, როგორც საბაკალავრო, ასევე სამაგისტრო და სადოქტორო საფეხურებზე. მათი მიზანია, რომ შექმნან ხელმისაწვდომი და კომპეტენტური საგანმანათლებლო სივრცე იმ ახალგაზრდებისთვის, რომლებსაც სურთ, იყვნენ წარმატებული პროფესიონალები 21-ე საუკუნის ძალიან კონკურენტულ სამუშაო გარემოში.

უნივერსიტეტი შედგება ხუთი ძირითადი სკოლისაგან: ჰუმანიტარული და სოციალური მეცნიერებების სკოლა, ბიზნესის სკოლა, განათლების სკოლა, მედიცინის მეცნიერებათა სკოლა, საბუნებისმეტყველო მეცნიერებების სკოლა და ტექნოლოგიისა და მათემატიკის სკოლა.
უნივერსიტეტი გამორჩეულია ცნობილი ონლაინ სწავლების მეთოდებითა და პროგრამებით. სტუდენტებს შეუძლიათ 200-მდე ონლაინ პროგრამის და სასერტიფიკატო კურსების გავლა, ინოვაციური სწავლების მეთოდებით.

სწავლის საფასური დამოკიდებულია კრედიტების რაოდენობაზე. საბაკალავრო საფეხურზე ერთი კრედიტის საფასურია $226.88, სამაგისტრო საფეხურზე 298.55, ბიზნესის მაგისტრატურის მიმართულებით $350, ხოლო დოქტორანტურის საფეხურზე $400. უნივერსიტეტი სტუდენტებს ასევე სთავაზობს სხვადასხვა ტიპისა და რაოდენობის დაფინანსებას.

​უნივერსიტეტს საბაკალავრო საფეხურზე 60-მდე სხვადასხვა მიმართულება აქვს, როგორებიცაა: ბუღალტერია, კომპიუტერული მეცნიერებები, ფინანსები, ისტორია, ჯანდაცვა, მარკეტინგი, ფსიქოლოგია, სოციოლოგია, და სხვა.
​
სამაგისტრო საფეხურზე ასევე 60-მდე პროგრამაა შეთავაზებული, როგორებიცაა: ბიზნესის ადმინისტრირება, ფსიქოლოგიური კონსულტაცია (Counseling), განათლება, ისტორია და სხვა. სადოქტორო ხარისხის მოპოვება სტუდენტებს შეუძლიათ Nursing Practice-ის მიმართულებით (DNP).