IELTS თუ TOEFL - რომელი ჩავაბაროთ?

ინგლისურენოვანი უნივერსიტეტების ერთ-ერთი მთავარი მოთხოვნა  ენის სერტიფაკატის წარდგენაა. თუ რომელი ტესტი უნდა ჩავაბაროთ ხშირად რთული გადასაწყვეტია. ორივე, IELTS და TOEFL-იც 4 ნაწილისგან შედგება: ტექსტის გააზრება, მოსმენა, წერა და საუბარი.  შევეცდებით ხშირად დასმულ შეკითხვებს ვუპასუხოთ.
​

1. რომელი უფრო მარტივია ?
   ორივე გამოცდა თანაბარი სირთულისაა.თუმცა, გაითვალისწინეთ რომ TOEFL კომპიუტერთან ბარდება და წერით ნაწილს IELTS-გან განსხვავებით ბეჭდავთ. ამასთანავე გასაუბრება არა ცოცხალ ადამიანთან, არამედ კომპიუტერთან ხდება.
   ​
   
2. აქცევენ თუ არა უნივერსიტეტები ყურადღებას რომელ ტესტს ჩავაბარებ?
   IELTS ბრიტანული ენის ტესტია და თუ ევროპაში აპირებთ სწავლის გაგრძელებას, მაშინ სწორედ ამ ტესტის ჩაბარებს გირჩევთ. ხოლო თუ თქვენი სასურველი უნივერსიტეტი ამერიკის შეერთებულ შტატებში მდებარეობს მაშინ TOEFL -ის ჩაბარება სასურველი იქნება. მაგრამ აუცილებლად უნდა აღინიშნოს, რომ დღეს უკვე როგორც ამერიკული ისე ევროპული უნივერსიტეტები, უკვე ორივე გამოცდის შედეგებს იღებენ და თუ ევროპაში სწავლის მსურველს TOEFL გაქვთ უკვე ჩაბარებული, ან პირიქით, ეს ნამდვილად არ წარმოადგენს თქვენთვის დაბრკოლებას.
   
   
3. რომელ ინგლისურს ფლობთ ? ბრიტანულს თუ ამერიკულს ?
   საქართველოში სკოლების უმეტესობაში ბრიტანული ინგლისური ისწავლება, მაგრამ ყველგან არა! თუ თქვენ არ ხართ დარწმუნებული, რომელს სწავლობთ. გირჩევთ ინტერნეტში მოიძიოთ განსხვავებები ბრიტანულ და ამერიკულ ინგლისურს შორის, გამოთქმასა თუ მართლწერაში, როგორიცაა მაგალითად: elevator და lift; flat და apartment; fall და autumn;. იმის გარკვევა თუ რომელ ინგლისურს იყენებთ საკმაოდ მნიშვნელოვანია, თუ თქვენ ბრიტანული ინგლისურის ლექსიკური მარაგი უფრო მეტი გაქვთ, გირჩევთ IELTS ჩააბაროთ,ხოლო ამერიკულის შემთხვევაში TOEFL.
   
   
4. შეგიძლიათ სწრაფად ბეჭდვა ?
   ერთი შეხედვით ეს უცნაური კითხვა, საკმაოდ მინშვნელოვანია სწორი გადაწყვეტილების მისაღებად. ტესტის წერითი ნაწილი TOEFL-ის შემთხვევაში, უნდა დაბეჭდოთ. თუ თქვენ კომპიუტერთან ბეჭდვას ფურცელზე წერა გირჩევნიათ მაშინ IELTS-ის ჩაბარებას გირჩევთ. 
   
   
5. რამდენად მომთმენი ხართ ?
   რამდენი ხანი შეგიძლიათ გამოცდაზე ყოფნა ? TOEFL-ის გამოცდა შეიძლება 4 საათზე დიდხანს გაგრძელდეს, და მომზადებული უნდა იყოთ, როგორც ფსიქოლოგიურად და ფიზიკურადაც. IELTS კი დაახლოებით სამი საათი გრძელდება და გასაუბრება შესაძლოა იმ დღესვე ან მომდევნო დღეს ჩაინიშნოს.

IELTS-სა და TOEFL-ის ტესტებისთვის მოსამზადებლად კი ჩვენ დაგეხმარებით. იხილეთ დაწვრილებით ინფორმაცია და კურსების საფასურები:

IELTS

TOEFL