ინგლისური ენა ბავშვებს ჯგუფში შევასწავლოთ თუ ინდივიდუალურად?

ინგლისური ენის კურსები სჯობს თუ რეპეტიტორი? სად უფრო ვითარდება ბავშვი? კითხვა, რომელიც ყველა მშობელს უჩნდება. 

ინგლისური ენის შესწავლის აუცილებლობაზე დღეს აღარავინ დაობს, სადავო დარჩა შესწავლის მეთოდები. ეს საკითხი განსაკუთრებით საფრთხილო არის ბავშვებისთვის.
ნებისმიერი მშობლის სურვილია, მისმა შვილმა ინგლისური ენა ხარისხიანად და საფუძვლიანად შეისწავლოს. შესაბამისად, იწყებენ არა ინგლისური ენის კურსების, არამედ საუკეთესო მასწავლებლის მოძიებას. ბავშვის რეპეტიტორთან, ინდივიდუალურად მომზადება ძალიან გავრცელებული სწავლის მეთოდია ჩვენს ქვეყანაში. ამ შემთხვევაში მშობლის მიზანია, რომ მის შვილს უფრო მეტი ყურადღება დაუთმოს მასწავლებელმა, უფრო მეტად აკონტროლოს და უკეთ ასწავლოს.

სწორია თუ არა მშობლის გადაწყვეტილება? არის თუ არა ეს კეთილი განზრახვა გამართლებული? სპეციალისტები ერთხმად თანხმდებიან, რომ არა.

ჯგუფში სწავლა ბევრად უფრო ეფექტური და ხარისხიანია ვიდრე ინდივიდუალური გაკვეთილები.

გთავაზობთ სამ მიზეზს, რატომ სჯობს ჯგუფური მეცადინეობა ინდივიდუალურს:

1 – მეტი კომუნიკაცია - ინგლისური ენის შესწავლის პროცესში.ძალიან მნიშნელოვანი არის არა მხოლოდ დავალებების შესრულება, არამედ ინლისური ენის ხშირად გამოყენება პრაქტიკაში. ენის გავარჯიშების საუკეთესო გზა კი ჯგუფში კომუნიკაციაა. ექსპერტები თანხმდებიან, რომ ჯგუფური სწავლება არამხოლოდ მომგებიანი, არამედ ენის შესწავლის ბუნებრივი პროცესია. მოსწავლე სწავლობს არამხოლოდ მეტყველებას, არამედ სხვის მოსმენასაც, საუბრისა და განხილვის თემებიც სულ უფრო მრავალფეროვანი ხდება. ინგლისურ ენაზე კომუნიკაცია თანატოლებს შორის, ენის შესწავლის ყველაზე ეფექტური გზა არის.

2 – მეტად მოტივირებული - ყველამ კარგად ვიცით, რომ ენის შესწავლის პროცესი არის რთული. ხანდახან გგონია, რომ მიცოცავ უზარმაზარ მთაზე, რომელსაც დასასრული არ უჩანს. განსაკუთრებით რთულია ბავშვებისთვის, როდესაც სწავლის პროცესი ნელ-ნელა სავალდებულო მოსაწყენ რუტინად იქცევა, რომელიც უნდა გააკეთოს. ასეთი იძულებით ნასწავლი ინგლისური ენა ან უხარისხოა, ან კიდევ გადაღლილი და იმედგაცრუებული ბავშვი ხურავს წიგნს და ნებდება. მაგრამ როდესაც ბავშვი გარშემორტყმულია მოტივირებული თანატოლებით, ისიც უფრო მეტად მობილიზებული ხდება და ენთუზიაზმით აგრძელებს სწავლას.
წარმოიდგინეთ საკუთარ მაგალითზე. ვთქვათ, ყოველ დილით დგებით ადრე და დარბიხართ დღეში 5 კილომეტრს. თუ დარბიხართ მარტო, მალე მოგბეზრდებათ ეს გზა, შესაძლოა 3 კილომეტრის შემდეგ უბრალოდ მოგწყინდეთ, შეწყვიტოთ სირბილი და დაბრუნდეთ შინ. ხოლო თუ ჯგუფთან ერთად დარბიხართ, თქვენ აუცილებლად ხალისით გააგრძელებთ სირბილს და არ მიატოვებთ მას შუა გზაზე, თუნდაც თანაგუნდელების ხათრით. ეს არის მიზნისკენ ჯგუფური სწრაფვის ძალა, ასეთ შემთხვევაში გზა ბევრად უფრო მოკლეა, ვიდრე მარტო მავალის.

3 – გამოცდილების გაზიარება - ჯგუფთან ერთად ინგლისური ენის შესწავლის ერთ-ერთი მნიშვნელოვანი პლიუსი გამოცდილების გაზიარება არის. წარმოიდგინეთ, ჯგუფის ყოველი წევრი ფლობს სწავლის თავის ინდივიდუალურ მეთოდს. ისინი ერთმანეთს უზიარებენ საკუთარი სწავლის მეთოდებს და ხრიკებს, შედეგად ბავშვი სწავლობს უფრო დინამიურად და აფართოვებს პერსპექტივას, ენის სწავლის პროცესი ხდება უფრო სწრაფი და ხარისხიანი და მიზნის მიღწევა – უფრო მარტივი.