QS (Quacquarelli Symonds) განათლების საერთაშორისო გამოფენაზე

​განათლების ცენტრ LEAF-ის ორგანიზებითა და ესპანურ IE University-თან, The Academy of Mathematics and Science-სა და ამერიკულ უნივერსიტეტ The Global American University, Schiller-თან თანამშრომლობით, 2022 წლის 8 ოქტომბერს 12 საათიდან 17 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან. ყველა დაინტერესებულ პირს გამოფენაზე შეეძლება, მიიღოს ამომწურავი ინფორმაცია უნივერსიტეტისა და მისი პროგრამების შესახებ. ისინი ასევე შეძლებენ, პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო შეკითხვები. ამასთან გამოფენაზე იქნებიან LEAF-ის კონსულტანტები.

​ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.
​
განათლების გამოფენაში მონაწილეობის მისაღებად აუცილებელია, გაიაროთ რეგისტრაცია შემდეგ ბმულზე: https://logos.edu.ge/leaf/

​განათლების ცენტრი LEAF არის საერთაშორისო ორგანიზაცია QS-ის (Quacquarelli Symonds) პარტნიორიც. ამ თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ, მარტივი სააპლიკაციო პროცედურით გაგზავნონ განაცხადები დიდი ბრიტანეთის, აშშ-ის, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში. რაც მთავარია, LEAF აღნიშნულ მომსახურებას სრულიად უფასოდ გაგიწევთ.

QS (Quacquarelli Symonds) არის საერთაშორისო ანალიტიკური ორგანიზაცია, რომელიც იკვლევს უმაღლეს განათლებას მსოფლიოში. ის ცნობილია უმაღლესი განათლების რეიტინგებით — QS World University Rankings — რომლებშიც მსოფლიოს 1 300-ზე მეტი უნივერსიტეტი მონაწილეობს. 2004 წლიდან მოყოლებული QS აგროვებს მონაცემებს უნივერსიტეტების მუშაობის შესახებ და ქმნის ყველაზე მრავალფეროვან და შედარებად მონაცემთა ბაზებს. ის კვლევის საშუალებით ასევე სწავლობს მომავალი სტუდენტების მოტივაციას, პრიორიტეტებსა და სურვილებს. QS-ის მისიაა, საგანმანათლებლო მიზნების მიღწევით, დაეხმაროს მოტივირებულ ადამიანებს მათი კარიერული მიზნებისკენ სწრაფვაში.

2022-2023 აკადემიური წლიდან QS განათლების კონსულტანტებს შესთავაზებს თავის სააპლიკაციო სისტემას QS Apply, რომლის საშუალებითაც მსურველები შეძლებენ, სააპლიკაციო განაცხადები გაგზავნონ მსოფლიოს ცნობილ უნივერსიტეტებში. აპლიკანტებს შეეძლებათ, განაცხადი გააკეთონ საბაკალავრო და სამაგისტრო პროგრამებზე ისეთი მიმართულებებით, როგორებიცაა:

• ბიზნესი და მართვა
• ინჟინერია და ტექნოლოგიები
• სოფლის მეურნეობა და გარემოს დაცვა
• კომპიუტერული მეცნიერებები
• ხელოვნება, დიზაინი და მედია
• სამართალი
• ფარმაცია
• ეკონომიკა
• არქიტექტურა

QS Apply-ის საშუალებით განაცხადის გაგზავნა შესაძლებელია გაერთიანებული სამეფოს ისეთ უნივერსიტეტებში, როგორებიცაა:

• Queen Mary University of London
• Oxford International College
• Queen's University Belfast
• University of Brighton
• University of Bristol
• University of Essex
• University of Exeter
• University of Liverpool
• University of Westminster
• University of York
• University of Glasgow
• University of Bristol
• University of Bath
• Royal Holloway, University of London
• Nottingham Trent University
• Manchester Metropolitan University
• London South Bank University
• Kings London
• Istituto Marangoni in London
• Durham University

სწავლის საფასური განსხვავდება უნივერსიტეტისა და სწავლის საფეხურის მიხედვით. უნივერსიტეტებისა და პროგრამების შერჩევა ხდება აპლიკანტთა აკადემიური მონაცემებისა და ინდივიდუალური საჭიროებების გათვალისწინებით.
​
როგორც ვთქვით, განათლების საერთაშორისო გამოფენაზე თქვენ გექნებათ შესაძლებლობა, პირადად შეხვდეთ ცენტრის კონსულტანტებს და გაესაუბროთ მათ. ღონისძიება სასტუმრო რედისონ ბლუ ივერიაში, 8 ოქტომბერს, 12 საათიდან საღამოს 5 საათამდე გაიმართება. შეგახსენებთ, რომ მასზე დასასწრებად საჭიროა სარეგისტრაციო ფორმის შევსება ბმულზე: https://logos.edu.ge/leaf.