The Academy of Mathematics and Science საერთაშორისო განათლების გამოფენაზე

​განათლების ცენტრის ორგანიზებითა და ესპანურ IE University-თან, The Academy of Mathematics and Science-სა და ამერიკულ უნივერსიტეტ The Global American University, Schiller-თან თანამშრომლობით 2022 წლის 8 ოქტომბერს 12:00-დან 17:00 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან.

​ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში. საერთაშორისო განათლების გამოფენას წარმოგიდგენთ სოლო. პროექტის მხარდამჭერები არიან: საერთაშორისო აკადემია ლოგოსი და სქულბუქი.

განათლების გამოფენაში მონაწილეობის მისაღებად რეგისტრაციის გავლა შეგიძლიათ ბმულზე: https://logos.edu.ge/leaf/

აშშ-ის ერთ-ერთ წამყვან ფორტ ჰეიზის სახელმწიფო უნივერსიტეტს აქვს სასკოლო ასაკის მოსწავლეთათვის განკუთვნილი პროგრამა. უნივერსიტეტმა შექმნა მათემატიკისა და მეცნიერების აკადემია (Academy of Mathematics and Science — AMS). ის მოსწავლეებს საშუალებას აძლევს, მიაღწიონ მეტს და თავად განსაზღვრონ საკუთარი წარმატებული მომავალი. AMS არის უკვე მეორე ადრეული საუნივერსიტეტო პროგრამა ფორტ ჰეიზში, რომელიც მთელი მსოფლიოდან დამამთავრებელი კლასების ნიჭიერ მოსწავლეებს, განუმეორებელ აკადემიურ გამოცდილებას აძლევს. პროგრამაზე მოსახვედრად მოსწავლეებმა დიდი კონკურენცია უნდა დაძლიონ.
პროგრამის მონაწილეები მე-11 და მე-12 კლასებში სწავლობენ და FHSU-ში ცხოვრობენ. პროგრამა მოიცავს:

• საუნივერსიტეტო დონის ინსტრუქცია და პრაქტიკული კვლევის გამოცდილება Ph.D. ხარისხის მქონე პროფესორ-მასწავლებლებთან;
• შესაძლებლობა, რომ მოიპოვოთ ზოგადი სამეცნიერო განათლების ასოცირებული ხარისხი (Associate of General Studies (A.G.S.) in Science);
• ამერიკული ე.წ. ჰაი-სქულის სასკოლო დიპლომი (მოსწავლე ამთავრებს ამერიკულ სკოლას) და 60 საათზე მეტი საუნივერსიტეტო კრედიტი;
• ლიდერობის უნარ-ჩვევების გამომუშავება და სამოქალაქო ჩართულობის შესაძლებლობები;
• აკადემიური და პიროვნული განვითარების ხელშეწყობა;
• უსაფრთხო სასწავლო და საცხოვრებელი გარემო უნივერსიტეტის ტერიტორიაზე.

პროგრამის განმავლობაში მიღებული საუნივერსიტეტო კრედიტების სასურველ უნივერსიტეტში გადატანის შემდეგ AMS-ის კურსდამთავრებულები შეძლებენ, რომ ბაკალავრის ხარისხი მიიღონ საშუალოდ 2-დან 2,5 წლამდე პერიოდში 4 წლის ნაცვლად. ეს მათ საშუალებას მისცემს, რომ უფრო მალე ჩაერთონ აკადემიურ, თუ პროფესიულ საქმიანობაში.

პროგრამის ღირებულება სწავლის, საცხოვრებლის, კვებისა და ჯანმრთელობის დაზღვევის ჩათვლით წელიწადში, დაახლოებით, 29 000$-ია. გასათვალისწინებელია, თუ რა ოდენობის თანხას დაზოგავს სტუდენტი იმის ხარჯზე, რომ ბაკალავრიატის დამთავრებას მხოლოდ 2 ან 2,5 წელიწადს მოანდომებს.
თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში 8 ოქტომბერს შუა დღის 12 საათიდან საღამოს 5 საათამდე.
​
LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.