TIO University of Applied Sciences-ის წარმომადგენლები თბილისელ მოსწავლეებს შეხვდნენ

საქართველოში კერძოდ თბილისში ამერიკულ-ქართული განათლების ცენტრის LEAF-ის მოწვევით ვიზიტით იმყოფებოდნენ ნიდერლანდური უნივერსიტეტის TIO University of Applied Sciences (ტიოს გამოყენებითი მეცნიერებების უნივერსიტეტი) წარმომადგენლები საერთაშორისო ურთიერთობების დეპარტამნეტის ხელმძღვანელი მარტინ ვესტერბრინკი და უნივერსიტეტი ლექტორი ჯორჯ ოომენი. ეს არ არის პირველი შემთხვევა, როდესაც ტიოს წარმომადგენლები ჩამოდიან. უნივერსიტეტი დაინტერესებულია საქართველოთი და გამოხატა მაღალი მზაობა მიიღოს სტუდენტები საქართველოდან ბაკალავრიატის დონეზე

ტიომ რამდენიმე შეხვედრა გამართა სკოლის მოსწავლეებთან. უნივერსიტეტი 24, 25 და 26 თებერვალს ეწვია საერთაშორისო აკადემია ლოგოსს, ბაქსვუდის საერთაშორისო სკოლას, IB მთიებს, წმ. გიორგის სახელობის ბრიტანულ-ქართულ სკოლას, მე-6 საავტორო სკოლასა და ქართულ-ამერიკულ სკოლას, სადაც ჩატარდა გაცნობითი სახის პრეზენტაციები. მოსწავლეებს ქონდათ საშუალება პირადად გასაუბრებოდნენ უნივერსიტეტის წარმომადგენელს და დაესვათ მათთვის საინტერესო კითხვები.

საქართველოს მოქალაქე აპლიკანტებს აქვთ შესაძლებლობა მოიპოვონ დაფინანსება უნივერსიტეტისგან. ტიოს აქვს 25%-იანი და 50%-იანი საგრანტო პროგრამა მაღალი აკადემიური მოსწრების მოსწავლეებისათვის.

უნივერსიტეტს ასევე აქვს საზაფხულო პროგრამა, რომელში მონაწილეობაც ღირს 795 ევრო. აღნიშნული თანხა მოაკლდება სწავლის საფასურს იმ შემთხვევაში, თუ საზაფხულო პროგრამის მონაწილე სწავლას ტიოში გააგრძელებს. დამატებითი ინფორმაციის მისაღებად საკმარისია ეწვიოთ ტიოს უნივერსიტეტის გვერდს leaf.ge-ზე და გაიაროთ რეგისტრაცია.
​
მარტინმა და ჯორჯმა სპეციალურად LEAF-ისთვის ჩაწერეს ვიდეო პრეზენტაცია, რომელსაც ქვემოთ შეგიძლიათ გაეცნოთ.

ტიოს შესახებტიოს გამოყენებითი მეცნიერებების უნივერსიტეტი განკუთვნილია მათთვის, ვისაც აინტერესებს საერთაშორისო ტურიზმი, ბიზნესი ან ივენთ მენეჯმენტი. ჩამოთვლილ სფეროებში ძალიან მნიშვნელოვანია პრაქტიკული ცოდნის მიღება, რომელიც თანხვედრაშია თანამედროვე ტენდეციებთან. ტიო მდებარეობს ჰოლანდიაში. მას გააჩნია რამდენიმე კამპუსი სხვადასხვა ქალაქში: უტრეხტი, ამსტერდამი, ეინდჰოვენში, ჰენგელოსა და როტერდამში. ინგლისურენოვანი პროგრამა მხოლოდ უტრეხტისა და ამსტერდამის კამპუსებზე ისწავლება.

ტიო გასცემს ბაკალავრის დიპლომს ოთხი მიმართულებით: სასტუმროსა და ივენთების მართვა, საერთაშორისო ტურიზმი, საერთაშორისო ბიზნესი და კომერცია-მეწარმეობა-ორგანიზაციაში (CEO). უნივერსიტეტში მიმდინარეობს პროექტებზე დაფუძნებული სწავლება. ანუ სტუდენტები სწავლობენ კეთებით და აკადემიური პროგრამა არ შემოიფარგლება მხოლოდ თეორიული ცოდნის გადაცემით. სასწავლო ჯგუფები არის მცირე ზომის, რაც ნიშნავს ინდივიდუალურ ყურადღებასა და სტუდენტების საჭიროებების გათვალისწინებას.
​
სწავლის ღირებულება არის 19 400 ევრო წელიწადში. იმ შემთხვევაში, თუ სტუდენტი ისწავლის 4 წლიანი პროგრამით, მე-4 აკადემიური წლის ღირებულება არის 9 700 ევრო. აღნიშნულ თანხაში შედის სასწავლო მასალა და საგანმანათლებლო მოგზაურობები.